ನಾನು ಮೆಚ್ಚಿದ ನನ್ನ ಕಥಾ ಸರಣಿಯಲ್ಲಿ ಮಾಲತಿ ಪಟ್ಟಣಶೆಟ್ಟಿ ಬರೆದ ಕಥೆ

  

 ದಿನವಿಡಿ ತಾಯಿಯನ್ನು ಹಿಂಬಾಲಿಸುವ ಮರಿಗಳು, ಅವುಗಳನ್ನು ಹತ್ತಿರ ಇಟ್ಟುಕೊಂಡು ಹಾಲುಣಿಸುವುದು, ಮೈ ನೆಕ್ಕುತ್ತ ಪ್ರೀತಿಸುವ ಪಪ್ಪಿ ನಾಯಿಯ ಮೈಮೇಲೆ ತಾನು ಕೈಯಾಡಿಸಿ ತನ್ನ ಪ್ರಶಂಸೆ ತಿಳಿಸುತ್ತಿದ್ದಳು. ರಾತ್ರಿ ತಾಯಿಯ ಕಾಲುಗಳಡಿಯಲ್ಲಿ ಸಂರಕ್ಷಣೆ  ಪಡೆದು ಮಲಗಿದ ಮರಿಗಳನ್ನು ಕಂಡು ತಾನೇಕೆ ಪಪ್ಪಿ ನಾಯಿಯ ಮರಿಯಾಗಲಿಲ್ಲ? ಎಂದುಕೊಳ್ಳುತ್ತ ಕಣ್ಣಲ್ಲಿ ನೀರು ತುಂಬಿಕೊಳ್ಳುತ್ತಿದ್ದಳು.

(ತರಂಗ ಸಾಪ್ತಾಹಿಕ ನವೆಂಬರ್ 1996)

*****

(ಮಾಲತಿ ಪಟ್ಟಣಶೆಟ್ಟಿ)

“ನಾ ಯಾಕ ಹುಟ್ಟಿದೆನೋ” ಕತೆಯಲ್ಲಿ ಒಂದು ಕುಟುಂಬದಲ್ಲಿಯ ಆರು ವರ್ಷದ ಮುಗ್ಧ ಮಗಳು ರಚನಾನ ಸಾವಿಗೆ ಕಾರಣ ಆ ಕುಟುಂಬದಲ್ಲಿಯ ಅವಳ ತಂದೆಯ ಹೊರಗಿನ ಸಂಬಂಧ. ಇದರಿಂದಾಗಿ ಹಾಳಾದ ಪತಿ-ಪತ್ನಿ-ಮಗಳ ಸಂಬಂಧಕ್ಕೆ ನಿಷ್ಕಾರಣವಾಗಿ ಬಲಿಯಾದ ರಚನಾಳ ದುರಂತದ ಚಿತ್ರಣ ಈ ಕತೆಯಲ್ಲಿದೆ.

ಆಧುನಿಕ ಭಾರತದಲ್ಲಿ ಶಿಕ್ಷಣ, ವಿಜ್ಞಾನ, ತಂತ್ರಜ್ಞಾನಗಳ ಆಗಮನದಿಂದ ಬದುಕು ಸುಲಭವಾದರೂ ಕೌಟುಂಬಿಕ ಸಂಬಂಧಗಳು ಹಾಳಾಗಿವೆ. ಕೂಡು ಕುಟುಂಬಗಳು ಒಡೆದಿವೆ. ಸೋದರ ಸಂಬಂಧಗಳು ಅಳಿದಿವೆ. ಇದಕ್ಕಿಂತ ದುರದೃಷ್ಟಕರ ಸಂಗತಿಯೆಂದರೆ ಗಂಡ-ಹೆಂಡತಿ-ಮಕ್ಕಳ ಸಂಬಂಧಗಳು ಭಗ್ನಗೊಂಡಿವೆ. ದೇಶದ ಸುಖ, ಶಾಂತಿ, ಪ್ರಗತಿಯ ಮಾನದಂಡವೆಂದರೆ ಆ ದೇಶದ ತಳಪಾಯದ ಘಟಕವಾದ ಕುಟುಂಬದಲ್ಲಿಯ ಸುಖ-ಶಾಂತಿ ಮತ್ತು ಪ್ರಗತಿ. ಕುಟುಂಬದಲ್ಲಿ ಇವು ಇಲ್ಲದಾದಾಗ ಇಡೀ ಸಮಾಜವೇ ಅಶಾಂತಿಯಿಂದ ನರಳುತ್ತದೆ. ಪರಂಪರಾಗತವಾಗಿ ನಡೆದು ಬಂದ ಭಾರತೀಯ ಸಂಸ್ಕೃತಿಯ ನೀತಿ ಸಂಹಿತೆಯಲ್ಲಿ ಕುಟುಂಬಗಳು ಭದ್ರವಾಗಿರಬೇಕಾದರೆ ಅದರಲ್ಲಿಯ ಎಲ್ಲ ಸದಸ್ಯರು ನಿಷ್ಠೆಯುಳ್ಳವರಾಗಿರಬೇಕು ಮತ್ತು ಕುಟುಂಬದ ಸುಖ-ಶಾಂತಿಯನ್ನು ಮೂಡಿಸುವವರಾಗಿರಬೇಕು. ಇಂಥ ಕುಟುಂಬ ನೀತಿಯ ಅಗತ್ಯತೆಯನ್ನು ಎತ್ತಿ ತೋರಿಸುವುದೇ ನನ್ನ ಕಥೆಯ ಮೂಲ ಉದ್ದೇಶ.

ಆಶಾ ಒಬ್ಬ ಬ್ಯಾಂಕ್ ಉದ್ಯೋಗಿ. ರಚನಾಳ ಅಪ್ಪನು ಇನ್ನೊಂದು ಆಫೀಸಿನಲ್ಲಿ ಕೆಲಸದಲ್ಲಿದ್ದಾನೆ. ಆಫೀಸಿನಲ್ಲಿದ್ದ ಒಬ್ಬ ಮಹಿಳೆಯೊಂದಿಗೆ ಇವನು ಸಂಬಂಧ ಇಟ್ಟುಕೊಂಡು ಅವಳೊಂದಿಗೆ ಹೆಚ್ಚು ಸಮಯ ಕಳೆಯುತ್ತಿರುತ್ತಾನೆ. ಹಾಜರಿ ಹಾಕುವವರಂತೆ ಮನೆಗೆ ರಾತ್ರಿ 9-00 ಗಂಟೆಗೆ ಬಂದು ಯಾರೊಂದಿಗೂ ಮಾತನಾಡದೆ, ಊಟವನ್ನು ಮಾಡದೇ ತನ್ನ ಕೋಣೆಯನ್ನು ಸೇರಿಕೊಳ್ಳುತ್ತಿರುತ್ತಾನೆ. ಹೀಗೆ ಮನೆಯಲ್ಲಿಯ ಸಂಬಂಧಗಳು ಇಲ್ಲವಾಗಿ ಅಲ್ಲಿ ಕೇವಲ ಮೌನ, ವಿಷಾದಗಳೇ ತುಂಬಿಕೊಳ್ಳುತ್ತವೆ. ಮುಗ್ಧ ಬಾಲೆ ರಚನಾಳಿಗೆ ತಂದೆಯ ಎರಡನೆಯ ಸಂಬಂಧದಿಂದಾಗಿ ತಮ್ಮ ಕುಟುಂಬವು ಹಾಳಾಗಿದೆ ಎಂಬುದು ಅರ್ಥವಾಗದ ಸಂಗತಿ. ಮನೆ ಎರಡಾಗಿ ತಂದೆಯು ತನ್ನ ಉಪಪತ್ನಿಯೊಂದಿಗೆ ಬೇರೆ ಇರುವುದನ್ನು ಪ್ರತ್ಯಕ್ಷ ಕಂಡು ಅಲ್ಲಿ ತನಗೆ ಸ್ಥಾನವಿಲ್ಲ, ಪ್ರೀತಿಯಿಲ್ಲ ಎಂದು ತಿಳಿದಾಗ ಆಕೆ ಆಘಾತಕ್ಕೊಳಗಾಗುತ್ತಾಳೆ. ಅದೇ ರಾತ್ರಿ ಸುರಿಯುತ್ತಿರುವ ಮಳೆಯಲ್ಲಿ ಓಡುತ್ತ ತಾಯಿಯ ಮನೆಯನ್ನು ಸೇರಿಕೊಳ್ಳುತ್ತಾಳೆ. ಸಂಪೂರ್ಣವಾಗಿ ತೊಯ್ದ ಅವಳ ದೇಹದಲ್ಲಿ ಗರಿಷ್ಟ ಪ್ರಮಾಣದ ಜ್ವರ ಏರಿ ನಿಮೋನಿಯಾ ಆಗುತ್ತದೆ. ಇದು ಅಪಾಯಕಾರಿಯಾಗಿ ಪರಿಣಮಿಸಿ ಕೊನೆಗೆ ಮಗುವಿನ ಸಾವಿನಲ್ಲಿ ಕಥೆಯು ಅಂತ್ಯಗೊಳ್ಳುತ್ತದೆ. ಹೀಗೆ ಈ ಕುಟುಂಬ ಸಂಬಂಧದ ಒಂದೇ ಒಂದು ಕುಡಿ ಕಮರಿದಾಗ ಅದು ಸಂಪೂರ್ಣ ಒಡೆದು ಹೋಗುತ್ತದೆ.

“ನಾ ಯಾಕ ಹುಟ್ಟಿದೆನೋ” ಕಥೆಯಲ್ಲಿಯ ರಚನಾಳ ಈ ಉದ್ಗಾರವು, ಮತ್ತು ಈ ಪ್ರಶ್ನೆಯು ಆಧುನಿಕ ಭಾರತದಲ್ಲಿಯ ಸಾಮಾಜಿಕ ಅಧಃಪತನವನ್ನು ಮತ್ತು ಕುಟುಂಬದ ಪವಿತ್ರ ಸಂಬಂಧಗಳ ಹತ್ಯೆಯನ್ನು ಸೂಚಿಸುತ್ತದೆ. ಈ ದುರಂತಗಳನ್ನೇ ತೋರಿಸುತ್ತ ಸಮಾಜವನ್ನು ಜಾಗರಿಸುವ ಕಳಕಳಿಯು ಕಥೆಯ ಕೇಂದ್ರ ಯೋಚನೆಯಾಗಿರುತ್ತದೆ.

ಕೆಂಡಸಂಪಿಗೆ

ಕೆಂಡಸಂಪಿಗೆ ಸಂಪಾದಕೀಯ ತಂಡದ ಆಶಯ ಬರಹಗಳು ಇಲ್ಲಿರುತ್ತವೆ